Jaise Chaahte Thay

Aisa Nahi Ke Hum Ko Mohabbat Nahi Mili
Jaise Chaahte Thay Hum Ko Woh Ulfat Nahi Mili

Milne Ko Zindgi Main Kayi Humsafer Miley
Par Un Ki Tabiyat Se Tabiyat Nahi Mili

Chehron Mein Duusron Ke Tumhe Dhoondhte Rahe
Surat Nahi Milli Kahin Seerat Nahi Mili

Bohut Deir Se Aaya To Mere Pass Kya Kahoon
Alfaaz Dhoondne Ki Bhi Mouhlat Nahi Mili

Tujh Ko Gila Raha Ke Tawajoh Na Di Tujhe
Lekin Humein Khud Apni Mohabbat Nahi Mili

Her Shakhas Zindgi Mein Bohut Deir Se Mila
Koi Bhi Cheez Waqat-E-Zaroorat Nahi Mili

Hum Ko To Teri Aadatein Achhi Lagin
Afsoos Ke Tujh Se Meri Aadat Nahi Milli