Jam-e-Muhabbat

Tumhare Marmareen Jism Nay Mera Dum Nikala Hai
Pila Ke Jam-e-Muhabbat Mujhe Nashe Main Dala Hai

Yeh Waqt Tou Hai Raat Ka Magar Phir Bhi Jan-e Kyun
Meri Aankhon Pe Tou Phaila Hua Din Ka Ujala Hai

Nashe Main Choor Choor Mein Tou Gir Raha Tha Ek Jagah
Tumhari Dono Baahon Ne Magar Mujh Ko Sambhala Hai

Meri Tanhaiyaan Kho Gaeen Najane Kis Jagah Ja Kar
Ke Jab Se Tum Ne Apna Pyar Mere Dil Main Dala Hai

Kitna Pyar Karte Ho Mujh Se Shahab Tum
Tumhare Is Sawal Ne Mujhe Mushkil Main Dala Hai.