Jan Ka Roag

Jan Ka Roag Ban Jata Aik Din Malal Us Ka
Sard Khana-E-Dil Mein Rakh Diya Khayal Us Ka

Aik Din Ki Doori Pr,Khwab-E-Wasl Roshan Hai
Shab Hoei To Aay Ga Dheaan Mein Jamal Us Ka

Phool, Muskurahat Aur Chand Hsraton Kay Sath
Poochnay Gaey Hum Bhi, Aik Roaz Haal Us Ka

Natawan Hai Kuch Dil Bhi,Kuch Swal Bemani
Toar Kr Nikal Aay Aur Woh Bhi Jaal Us Ka

Ham Jwab Kya Detay, Khud Swal Ban Bethay
Is Qadar Achanak Tha,Hm Say Ik Swal Us Ka