Jeenay Ka Shaoor

Chehray Pay Khushi Chha Jati Hay
Ankho Main Suror Aa Jata Hay

Jab Tum Mujhay Apna Kehtay Ho
Apnay Main Ghuror Aa Jata Hay

Tum Husun Ki Khud Ek Dunya Ho
Shayad Ye Tumhain Malom Nahi

Mehfil Main Tumharay Anay Say
Har Cheez Pay Noor Aa Jata Hay

Ham Pas Say Tumko Kiya Dekhen
Tum Jab Bhi Muqabil Hotay Ho

Beetab Nighaon K Agay
Parda Sa Zaror Aa Jata Hay

Jab Tumsay Muhabbat Ki Hamnay
Tab Jakay Kahen Ye Raaz Khula

Marnay Ka Saliqa Aatay Hi
Jeenay Ka Shaoor Aa Jata Hay