Kabhi Tum Ne Ye Bhi Socha?

Kabhi Tum Ne Ye Bhi Socha?
K Tumhare Dil'grifta
Tumhe'n Kitna Chaahty Hain??
Tumhe'n Zindagi Se Barrh Kar
Jo Azeez Ham Ne Jaana
So Koi Sabab To Ho Ga
Kabhi Tum Ne Ye Bhi Socha??
Sar E Shaam Muntazir Thy
Kai Neelmi'n Ujaaly
Kahi'n Titliya'n Labo'n Ki
Kahi'n Phool Jaise Aariz
Kahi'n Qumqamo'n Si Aankhe'n
Ye Jo Chaaragr Hamare
Sar E Shaam Maangty Hain
Inhei'n Kya Khabar K Ham Ne
Tumhei'n Sonp Di Hain Raatei'n
Tumhei'n Daan Ki Hain Aankhei'n
Kabhi Tum Ne Ye Bhi Socha??
K Tumhary Dil Grifta
Pas E Baam O Dar Akely
Kisi Shamma E Sokhta Se
Ye Jo Kar Rahy Hain Baatei'n!
Tumhei'n Kitna Chaahty Hain
Tumhei'n Roz O Shab K Dukh Mein
Kabhi Bhoolna Bhi Chaahei'n
To Kabhi Na Bhool Paayein
K Ye Ahd E Zindgi Hai
Jisy Torrna Bhi Chaahei'n
To Kabhi Na Torr Paayein