Kaha Thaa Naa

Mujhay Is Tarah Sotay Howay Mat Chor Kar Jana
Mujhay Bayshak Jaga Dena Bata Dena
Mohabbat Kay Safar Main Sath Meray Chal Nahi Sakti
Judai Main Hijr Main Sath Meray Jal Nahi Sakti
Tumhain Rasta Badalna Hai
Meri Had Say Nikalna Hai
Tumhain Kiss Baat Ka Dar Tha
Tumhain Jaanay Nahi Deta
Kahin Per Qaid Kar Laita
Aray Pagli
Mohabbat Ki Tabiyat Main Zabardasti Nahi Hoti
Jisay Rasta Badlna Ho
Usay Rasta Badalnay Say
Jisay Had Say Nikalna Ho
Usay Had Say Nikalnay Say
Na Koi Rok Paya Hai Na Koi Rok Payega
Tumhain Kiss Baat Ka Dar Tha
Mujhay Bayshak Jaga Deti
Main Tumhy Koi Duaa Hi Dy Deta
Kam az Kam Yun Tu Na Hota
Meray Sathi  Haqeeqat Hai
Tumharay Baad Khonay Ko Kuch Nahi Baqi
Magar Khonay Say Darta Hon
Main Ab Sonay Say Darta Hon!