Kese Aye Ga Tere Khad-o-Khaal Ka Mausam

  Kaisay Aaye Ga Tere Khad  o  Khaal Ka Mausam.?
  Qismaton Mein Jab Likha Hai Zawaal Ka Mausam
 
  Kis Ne Khail Khaila Hai Kis Ne Hijar Jhaila Hai.?
  Ab Guzar Gaya Jaana Is Sawaal Ka Mausam
 
  Kis Tarah Se Mumkin Tha Ik Shaakh Per Khiltay
  Main, Ke Hijr Ka Lamha, TU Visaal Ka Mausam
 
  Dil, Ke Ab Tou Sehra Hai Aur Aisay Sehra Mein
  Jaanay Kab Talak Thehre Ab Malaal Ka Mausam
 
  Aaj Tak Bhi Thehra Hai Dil Ki Rehguzaaron Per
  Tere Lams Ka, Tere Khad  o  Khaal Ka Mausam
 
  Hum Kabhi Tou Dekhain Ge Wehshaton Ke Sehra Mein
  Ay Khuda Mohabbat Ke Aitedaal Ka Mausam