Khawab Mein Hath Mila Kar

Tishnagi Roz Mulaqat Mein Reh Jati Hai
Meri Ek Baat Kahin Baat Mein Reh Jati Hai

Chand Aankho Se Guzarta Hai Guzar Jata Hai
Chandani Dil Ke Mazafat Mein Reh  Jati Hai

Khawab Mein Hath Mila Kar Wo Chala Jata Hai
Aur Phir Ek Dhanak Hath Mein Reh Jati Hai

Us Ka Chehra Jo Nikal Jaye Meri Socho Se
Roshni Mere Khyalat Mein Reh Jati Hai

Jab Wo Raanai Se Uth Jaye Mere Pehlu Se
Ek Tanhai Meri Zaat Mein Reh Jati Hai