Koi To Raaz Poshida Hay Wisal E

Koi To Raaz Poshida Hay Wisal E Yaar Main
K Khizan Muskura Rahi Hay Bahar Main

Mushkilain Nikhar Gain, Tanhaian Bikhar Gain
Qadam Rakha Hay Jab Say Koocha-E-Dildar Main

Tang Aa Gay Hum To Zameen Par Aashian Bana Kar
Na Janay Phool Kaisay Khiltay Hain Khaar Main

Tasali Mil Jati Hay Magar Taskeen Nahi Hoti
Dil Jab Aadi Honay Lagay Kisi K Intizar Main

Ibtida-E-Shab Ho Chuki Laut A Ay Aas K Panch'hi
Kahin Aashian Kh'ho Na Jaay Shaam K Aitbaar Main

Tera Khat Ch'heen Lay Gai Hawa Mujh Say
Kagaz Mila Magar Alfaz Beh Gay Aabshar Main

Khail Mushkil Ho Ya Aasan Ay "Mehroom"
Kuch Na Paao Ga Jeet Main Aur Na Kuch Har Main