Kuch Sikkay Jeet Liyay Hain Mainay

Gehri Aankhon Wali Larki
Jo Chand Se Aksar Batain Karti

Ek Bhooray Baloon Wali Larki
Jo Dekh Mujay Muskaya Karti

Ya Wo Dhan Paan Si Chanchal
Jo Apnay Raaz Bataya Karti

Betakalluf Yaroon Ki Toli
Jo Hardum Sath Nibhaya Karti

Mera Ghar, Wo Mera Aangan
Phoolon Ki Wo Kachi Kiari

Fursat Ki Wo Garam Dopehrain
Yaroon Main Wo Thandi Shamain

Yadain Achay Dinon Ki Yadain
Bholi Basri Galyoon Ki Yadain

Ab Zindagi Main Sath Meray
Bas Yadain Hi Tou Reh Gai Hain

Kuch Sikkay Jeet Liyay Hain Lekin
Baqi Sab Kuch Haar Gaya Hun