Lamha-e-bey-maani

Yoo'n He Be-Wajhe Teri Yaad Ne Dastak Di Hai
Phir Dar-E-Dil Pe Sar-E-Shaam Magar Kia Kijey ?

Itna Bojhal Hai Ye Dil Fikr-O-Pareshani Se
Yaad Dubb Jaati Hai Anbaar-E-Gira'n Ke Niche

Dard-E-Ulfat Ki Tarapti Huee Taveerein Ab
Chupp Si Jaati Hain Mere Haal-E-Fughaa'n Ke Piche

Tujh Ko Gar Yaad Karein, Kaise Karein Ye Toh Bata?
Piche Kuch Khaas Mohabbat Ki Nishani Bhi Nahi

Darmiya'n Tha Toh Faqat Ranj Thea Shikwey Thea Bohat
Dil Ka Rishta Bhi Nahi Prem Kahani Bhi Nahi

Bus Koi Rubt Sa Tha Toot Gaya Jo Akhir
Ho Sakey Tum Na Mere, Hum Na Tere Ho Paye
Iss Tarha Khatm Hooa Aik Adhoora Qissa