Lamhay Kai Be-Qaraar Bohat Thay

Lamhay Kai Be-Qaraar Bohat Thay
Dill K Rastay Dushwaar Bohat Thay

Hum Jaa'n Say Youn Guzary Keh
Ik Hum Thay Aur Piyar Bohat Thay

Wafaa K Rastay Assaan Kaha'n Thay
Chain Saraab Azaar Bohat Thay

Qurbat Mein Bhi Raha Khuf-E-Furkat
Ahsaas Meray Bedaar Bohat Thay

Woh Bhi Adhuray Say Thay Hum Bin
Maana Hum Bekaar Bohat Thay

Ik Tum Hi Naa Samjhay Hum Ko
Jazbo'n K Azhaar Bohat Thay

Hakeekat Ki Bhi Taab Barri Thi
Wakat K Talakh Miyaar Bohat Thay

Kuch Aana Thi Hael In Mein
Warna Tu Iqraar Bohat Thay

Hum Siskiyan Apni Daba Gaiye Amber
Totay Thay Par Khud-Dar Bohat Thay