Main Dunia Main Aaya Tumharay Liay

Main Dunia Main Aaya Tumharay Liay
Mujhay Rabb Ne Banaya Tumharay Liay

Meri Subhayn Aur Shaamayn Tere Naam Se
Meri Dhoop Meri Chhaya Tumharay Liay

Meray Dil K Sanghaasan Pe Qabza Tera
Jazbon Ko Lutaya Tumharay Liay

Teri Khatir Jalaya Hay Aankhon Ko Bhi
Palkon Ko Bichhaya Tumharay Liay

Main Ne Sajday Kiay Hayn Tumharay Liay
Hathon Ko Uthaya Tumharay Liay

Main Sota Jo Hon Tu Tere Khawb Main
Aur Khud Ko Jagaya Tumharay Liay

Main Bekhud Hoowa Tu Tere Pyar Main
Jab Hosh Main Aaya Tumharay Liay

Main Ne Khud Ko Ujaara Tumharay Liay
Aur Gharr Ko Sajaya Tumharay Liay

Teri Aahat Pe Jamtay Hayn Paon Mere
Phhir Qadam Jo Berhaya Tumharay Liay

Muhabbat Ki Chahat Ki Dolatt Meri
Hay Jitni Bhi Maya Tumhary Liay

Ye Shaaeri Meri Ye Fasaana Mera
Sabb Qalam Pe Hay Aaya Tumharay Liay

Mera Her Kaam Tum Se He Mansoob Hay
Main Jia Saans Aaya Tumharay Liay

Mukhtsiran Kashaaf Tumhara He Hay
Roya Muskraya Tumharay Liay