Maosmon Ki Baat Kerain

Aa Janoon Ki Baat Karain
Dil Ki Band Kaliyon Ko
Jis Ne Beqaraari Di
Bhujti Hui Shamon Ko
Jis Ne Roshni Bakhshi
Taptay Huway Sehra Main
Jis Ne Rooh Pe Chhaon Ki

Uss Sakoon Ki Baat Kerain

Bhool Ker Panahon Ko
Nashnaas Raahon Ko
Purfareb Jalwon Ki
Dilfraib Baanhon Ko

Hoslon Ki Baat Kerain

Zaoq Main Jo Beetay Hain
Shoq Main Jo Guzray Hain

Unn Samon Ki Baat Kerain

Soch Ke Jazaaray Ke
Maosmon Ki Baat Kerain
Humnafas Parindon Ke
Ghonslon Ki Baat Kerain

Mazilon Ki Chahat Main
Raaston Main Jo Guzray
Unn Haseen Lamhon Ke
Marhalon Ki Baat Kerain

Zindgi Se Pyaar Kerain
Aa Janoon Ki Baat Kerain