Maqfal Hain Dar-O-Bam Dil Aseb Zada Hai

Maqfal Hain Dar-O-Bam Dil Aseb Zada Hai
Deewaren Hain Boseeda Fiza Habs Zada Hai

Jo Rukta Hai Yahan Us Se Yehi Suna Hai
Wehshat Ka Hai Aalam Ghanghor Ghata Hai

Suna Hai K Har Simt Se Ati Hain Sadaaen
Aik Shabeeh Jis Se Har Chez Naqsh Zada Hai

Mashhoor Hai Sar-E-Sham Khud Hi Jal Uthte Hain Charagh
Lagta Hai K Koi Majnoon Yahan Raqs Zada Hai

Suna Hai K Be Guor Hain Isme Kae Khuab Ki Lashen
Khone Asham Hai Manzar Hawa Gham Zada Hai