Mein Hon

Yeh Kaun Mere Dil Mein Kehta Hai Ke Mein Hon
Mehsoos Karon Usko To Lagta Hai Ke Mein Hon

Kyun Khailta Rehta Hai Na Jaane Koi Dil Se
Naddan Ke Haathon Mein Khilona Hai Ke Mein Hon

Yaadein Hain Ke Reh Reh Ker Sulag Uthti Hain Aksar
Badal Koi Tham Tham Ke Barasta Hai Ke Mein Hon

Woh Rung Woh Khushbo Ab Meri Mujh Mein Kahan Hain
Yeh Shaaakh Se Toota Hua Guncha Hai Ke Mein Hon

Raaste Ka Mujhe Hoosh Na Manzil Ki Khabar Hai
Toofan Mein Utra Hua Pata Hai Ke Mein Hon

Aanso Mere Hans Hans Ker Yeh Hi Pooch Rahe Hain
Sailab Mein Behta Hua Tinka Hai Ke Mein Hon

Kuch Aur Hi Aalam Hai Meri Zaat Ka Yaseen
Duniya Mein Koi Aur Hi Rehta Hai Ke Mein Hon