Mere Ghar Ke Sheeshe Jab Gir Ke

Mere Ghar Ke Sheeshe Jab Gir Ke Toot Jate Hai'n
Ek Pal Me Kitne Hi Log Yaad Aate Hai'n

Neele Peele Kapdo'n Me'n Waqt Muskurata Hai
Jab Libas-E Hasti Ki Dhajjiya'n Udate Hai'n

Dil Ke Dakiye Ko Bhi Ab Pata Nahi Mera
Kuchh Dino'n Se Khat Unke Aake
Laut Jate Hai'n

Ek Tum Muhabbt Ko Zindagi Samajhte Ho
Ek Ham Muhabbat Par Zindagi Lutate Hai'n

Roothi Roothi Rahti Hai Subha Dil Ke Angan Ki
Kaun Hai Wo Kisko Ham Khwab Me Manate Hai'n

Ho Gaya Hai Ab Boodha Mere Gaon Ka Peepal
Sab Parinde Shahro'n Me Aashiya'n Banate Hai'n