Mere Maula Ka “Wasi” Junhi Ishara Ho Ga

Uski Aankhon Mein Mohabbat Ka Sitara Ho Ga
Ek Din Aayega Wo Shakhsh Hamara Ho Ga

Ye Achanak Jo Ujala Sa Hua Jata Hai
Dil Ne Chupke Se Tera Naam Pukara Ho Ga

Ishq Karna Hai To Din Raat Usse Sochna Hai
Aur Kuch Zehan Mein Aaya To Khasara Ho Ga

Jis Ke Hone Se Meri Saans Chala Karti Thi
Kis Tarah Uss K Bagair Apna Guzara Ho Ga

Kaam Mushkil Hai Magar Jeet Hi Loonga Uss Ko
Mere Maula Ka “Wasi” Junhi Ishara Ho Ga