Meri Raato'n Ki Nendo'n K Tawaan Banaa Rakhay Gain
Poet: S. Sadia Amber Jilani By: Syeda Sadia Amber Jilani, FaisalAbad, Punjab, Pakistan.Meri Raato'n Ki Nendo'n K Tawaa'n Bana Rakhay Hain
Meri Ta'abeero'n Nay Meray Khuab Chura Rakhay Hain
Ab Khamoshio'n Mein Masroof-E-Safar Hun Main
Lafaz Main Nay Sabhi Uss Ko Suna Rakhay
Kaisay Mumkin Hai Khata Ho Chaal Teri
Raaz Apnay Khud Tujh Ko Bata Rakhay Hain
Aana-E-Zaat Ka Bujha K Har Ik Shola
Deep Hum Nay Wafaaon K Jala Rakhay Hain
Nishaa'n Bhi Meray Gawara Nahi Un Ko
Naam Jin K Kabhi Haroof-E-Dua Rakhay Hain
Ik Teri Chah Ik Teri Wafa Ki Khatir
Miyaar Apnay Hum Nay Giraa Rakhay Hain
Tujh Ko Batanay K Liye Apni Hakeekat
Ansoo Kai Khud Mein Chupa Rakhay Hain
Yeh Mumkin Hi Nahi Tu Milay Na Mujh Ko
Hum Nay Youn Hi Tu Nahi Haath Phailaa Rakhay Hain
Main K Manzil Ki Talash Mein Sargarda'n
Wapasi K Sabhi Rastay Bhoola Rakhay Hain
Ik Dard Safar Hai Hakeekat Mein Muhabat Amber
Logo'n Nay Tu Bass Afkaar Saja Rakhay Hain
