Mohabbat Aur Mohabbat Ki Wafa-O-Taab

Mohabbat Aur Mohabbat Ki Wafa-O-Taab Ho Jaana
Mehakti Ho Fazaon Mai Gul-E-Gulaab Ho Jaana

Tumhaari Zulf Ke Saaye Mujhe Mehfooz Karte Hain
Nahi Kuch Aur Darr Lekin Tumhe Khone Se Darte Hain

Jo Meri Raat Mehkaaye Wahi Tum Khaab Ho Jaana
Mehakti Ho Fazaon Mai Gul-E-Gulaab Ho Jaana

Ye Chehra Chaand Sa Mujhko Jahaan Walo Se Pyaara Hai
Tumhaare Bin Nahi Mera Meri Jaana Guzara Hai

Bohat Tum Besh-Keemat Ho Bohat Nayaab Ho Jaana
Mehakti Ho Fazaon Mai Gul-E-Gulaab Ho Jaana

Jo Shaano Se Sarak Jaaye To Aanchal Raqs Karta Hai
Gawara Hi Nahi Doori Ye Bas Ek Tumpe Marta Hai

Tumhaara Hi Nasha Mujhpe Bas Behisaab Ho Jaana
Mehakti Ho Fazaon Mai Gul-E-Gulaab Ho Jaana

Ye Ghehri Jheel Si Aankhein Sharaabon K Hi Pyaale Hain
Hain Pyaase Muddaton Se Hum Inhi K Hum Sawaale Hain

Pila Do Mast Aankhon Se Jo May Behisaab Ho Jaana
Mehakti Ho Fazaon Mai Gul-E-Gulaab Ho Jaana

Meri Beloos Chahat Ka Meri Jaana Kamal Tum Ho
Jise Padhta Hoon Main Aksar Wahi Jaana Ghazal Tum Ho

Meri Hasrat Ho Tum Aur Tum Mera Ahbaab Ho Jaana
Mehakti Ho Fazaon Mai Gul-E-Gulaab Ho Jaana

Bohat Masoom Si Seerat Aur Uspe Surat Qayamat Hai
Khuda Ne Khoob Hai Bakshi Aji Tum Pe Nazaqat Hai

Kisi Kachchi Kali Ka Tum Naya Shabaab Ho Jaana
Mehakti Ho Fazaon Mai Gul-E-Gulaab Ho Jaana

Alag Hi Rang K Tum Ishq Mai Jadoo Jagati Ho
Tadap Uthta Hai Nazuk Dil K Jab Tum Muskurati Ho

Haya Ka Zabt Rakhti Ho Sharm-E-Hijaab Ho Jaana
Mehkti Ho Fazaon Mai Gul-E-Gulaab Ho Jaana

Zamana Khaak Lagta Hai Faqat Ek Bas Tere Aage
Chalo Bandhey Wafaon Se Wafaon Ke Naye Dhaghe

K Ho Dil Dil Ki Koi Baat Aur Hum Betaab Ho Jaana
Mehakhti Ho Fazaon Mai Gul-E-Gulaab Ho Jaana

Mohabbat Aur Mohabbat Ki Wafa-O-Taab Ho Jaana
Mehakti Ho Fazaon Mai Gul-E-Gulaab Ho Jaana