Mohabbat Kaisay Hoti Hai

Hum Jantay Na Thay
Mohabbat Kaisay Hoti Hai
Bina Sochay Dilon Ki Ye
Tijarat Kaisay Hoti Hai
Guma-An Tha Ye K
Koi Bha-Ay Ga Kyn Kar
Hmara Dil Hai Aakhir
Hami Ka Raj Hai Is Per
Bohat Maghroor Jo Thay Hum
K Hum Jaen Kisi Janib
K Hum Ghoomain Kisi Nagri
Koi Acha Nahi Lagta
Koi Apna Nahi Lagta
Koi Aisa Nahi Lagta
K Jisko Dekh K Hum Bhi
Mohabbat Ko Pukarain Gay
Hum Apnay Dil Se Harain Gay
Magar Phir Youn Hua Ik Din
Koi Bhaya Hamain Aisa
K Jis Ne Jaan Bhi Le Li
K Jis Ne Tor Bhi Dala
Faqat Itna Bata Kar Wo
Kisi Janib Ko Chal Nikla
Samajh To Aa Gae Hogi
Mohabbat Kaisay Hoti Hai