Muhabbat Ka Wasta B Likha Hai

Uss Ne Door Rehna Ka Mashwara Bhi Likha Hai
Saath Hi Mohabbat Ka Wasta Bhi Likha Hai

Uss Ne Yeh Bhi Likha Hai Mere Ghar Nahe Ana
Aur Saaf Lafzoon Main Raasta Bhi Likha Hai

Kuch Huroof Likhen Hain Zabt Ki Nasihat Main
Kuch Huroof Main Uss Ne Hosla Bhi Likha Hai

Shukriya Bhi Likha Hai Dil Se Yaad Karne Ka
Dil Se Dil Ka Hai Kitna Faasla Bhi Likha Hai