Muhabbat Mar Nahi Sakti

Hazaron Dukh Parain Sehna Muhabbat Mar Nahi Sakti
Hay Tum Say Bus Yeh Hi Kehna Muhabbat Mar Nahi Sakti

Tera Her Bar Mairay Khat Ko Parhna Or Ro Daina
 Maira Her Bar Likh Daina Muhabbat Mar Nahi Sakti

 Jahan Main Jab Talak Panchi Pakheeroo Urtay Phirty Hain
 Hay Jab Talak Phool Ka Khilna Muhabbat Mar Nahi Sakti

 Poranay Rabtoon Ko Phir Naye Wadon Ki Khuwahish Hay
 Zara Aik Baar Tu Kehna Muhabbat Mar Nahi Sakti

Wo Tera Hijar Ki Shab Phone Rakhnay Say Zara Pahlay
Buhat Rotay Huay Kehna Muhabat Mar Nahi Sakti

 Ager Ham Hasratoon Ki Qaber Main Hi Dafan Ho Jain
 Tu Yeh Kutboon Pe Likh Daina Muhabbat Mar Nahi Sakti