Muhabbat Nahi Hai

Tere Chehre Se Mujhe Muhabbat Nahi Hai
Tere Wajud Se Mujhe Muhabbat Nahi Hai

Ghata Ki Tarah Jo Dilon Par Cha Jaen
Taweel Zulfon Se Mujhe Muhabbat Nahi Hai

Qatil Si Nigahen Jo War Karen
Jheel Ankho Se Mujhe Muhabbat Nahi Hai

Wo Ashaar Jo Mujh Par Jadu Karen
Tere Jumlon Se Mujhe Muhabbat Nahi Hai

Mere Balon Se Phislen Chehra Thapthapaen
Makhruti Unglion Se Mujhe Muhabbat Nahi Hai

Par Kese Samjhaon Mei Tum Ko Ye Bat
Ke Ye Jhut Hai Ke Mujhe Muhabbat Nahi Hai

Hamari Nazar Se Dekho Tum Khud Ko
To Mano Ge Ke Khud Hi Ko Muhabbat Nahi Hai

Ham Tujh Se Muhabbat To Karte Bohat Hain
Bayan Ho Paye Jo Aisi Muhabbat Nahi Hai

Jo Dekhen Teri Ankhen Us Se Muhabbat Hai
Sirf Teri Ankhen Pasand Hon Aisi Muhabbat Nahi Hai

Jo Phul Tujhe Chu Jaen Un Se Muhabbat Hai
Sirf Tera Jism Mehwar Ho Aisi Muhabbat Nahi Hai

Jo Dekh Kar Muskurao Us Se Muhabbat Hai
Sirf Galon Ke Bhanwar Pasand Hon Aisi Muhabbat Nahi Hai

Tera Khayal Jahan Tak Jae Wahan Tak Muhabbat Hai
Sirf Teri Yad Markaz Ho Aisi Muhabbat Nahi Hai

Teri Jan Teri Ruh Se Ishq Hai Mujhko
Sirf Jism Tak Mehdud Ho Aisi Muhabbat Nahi Hai

Mei Har Pal Jis Ke Nam Pe Marta Hun Sameer
Mei Ye Kese Keh Dun Mujhey Us Se Muhabbat Nahi Hai?