Mujhay Tum Yaad Aati Ho

Mujhay Sardio'n Ki Sard Shaamo'n Mein
Jab Khamoshi Raaj Karti Hy
Aur Aawaz Apnay Bistar Mein
Jaisay Jaa Chupti Hy
Be-Aawaz Dabay Pao'n
Mujhay Tum Yaad Ati Ho!!
Jaisay Ansoo Behta Hy
Jaisay Saans Chalti Hy
Be-Manzil Say Musafir Ko
Jaisay Raah Millti Hy
Jaisay Hassti Meri
Mujhay Tanhaa Pati Hy
Mujhay Tum Yad Aati Ho!
Sardio'n Ki Shaamo'n Mein
Dard Ki Uthaano'n Mein
Jab Chaand Aur Taaray
Falak Pay Muskuratay Hain
Hawaa Band Daricho'n Pay
Holay Say Haath Rakhti Hy
Mujhay Tum Yaad Aati Ho!
Sardio'n Ki Sard Shaamo'n Mein!!
Phool Jab Khushboo Say
Koi Gazal Kehta Hy
Khiyaal Jab Lafaz Mein
Sachaai Ban K Dhaltaa Hy
Unhi Akeeli Raahun Par
Yaado'n Ki Mundairo'n Par
Ik Aahat Mujh Say Kehti Hy
Mujhay Tum Yaad Aati Ho!
Muhabato'n Ki Chaao'n Mein
Udaassi Ki Sadaao'n Mein
Tanhai Ki Intahaao'n Mein
Be-Bassi Ki Duao'n Mein
Ik Weham Ho Guzarta Hy
Jaisy Tum Aati Ho
Mujhay Tum Yaad Ati Ho!
Sardio'n Ki Sard Shaamo'n Me!!
Jab Chaan Batee'n Karta Hy
Aur Raat Sitaray Ginti Hy
Khanak Hawa Dheery Say Zara
Lehra K Khushboo Lati Hy
Har Cheez Jaisay Naam Le Kar
Tumhy Sada Deti Ho
Mujhay Tum Yaad Aati Ho!
Sardio'n Ki Sard Shaamo'n Mein
Mujhay Tum Yaad Aati Ho!!!