Mujhay Tum Yad Aatay Ho !

Baharain Muskuraein To Mujhay Tum Yad Aatay Ho
Khizaein Jub Rulain To , Mujhay Tum Yad Aatay Ho

Sitarey Istiarey Hain Teri Makhmoor Ankhon Kay
Yeh Taray Jhilmilain To, Mujhay Tum Yad Aatay Ho

December K Mahinay Ki Sulegti Serd Ratoon Main
Umangain Ser Uthain To , Mujhay Tum Yad Atay Ho

Mohabbat Pash Nazron Say, Kisi K Dekh Lenay Say
Meri Ankhain Bher Aaen To Mujhay Tum Yad Atay Ho

Meri Gustakh Nazri Say Wo Tera Sharmgeen Hona
Ye Batain Yad Aaen To Mujhay Tum Yad Aatay Ho

Meray Veeran Angan Main, Meri Dehleez Pe Aa Kay
Hawaein Der Bajaein To , Mujhay Tum Yad Atay Ho

Talash E Aab O Dana Main Gheron Say Jo Nikaltay Hain
Wo Punchi Lot Aaen To Mujhay Tum Yad Atay Ho

Jo Fikre Moaash Main Aasim, Gaey Perdais Hain Unko
Sandesay Gher Bulaein To, Mujhay Tum Yad Aatay Ho