Mujhe Achha Nahin Lagta

Zamana Aapko Dukh De Mujhe Achha Nahin Lagta
Koi Kuchh Aap Se Keh De Mujhe Achha Nahin Lagta

Baharen Aap Ki Raunaq Barhain Sare Mausam Main
Khazan Daman Kabhi Chhu Le Mujhe Achha Nahin Lagta

Isi Tarah Machalta Ho Tabassum Aap K Lab Pe
Kabhi Muskan Ghaib Ho Mujhe Achha Nahin Lagta

Sada In Mast Aankhon Main Khumar Angez Masti Ho
Kabhi Ho Chashm E Nam Tere Mujhe Achha Nahin Lagta

Tere Is Zulf E Girah Gir Main Daim Shararat Ho
Tere Zulfen Pareshan Hon Mujhe Achha Nahin Lagta

Tumhara Bankpan Jachta He Khhil K Bat Karne Se
Tumhara Chehra Afsurda Mujhe Achha Nahin Lagta

Nawazish Ho Agar Tahir Mareez E Qalb Pe Itni
Tumhara Roothna Mujh Se Mujhe Achha Nahin Lagta.