Rihaai

Main Tanha Hoon
Us Band Darwazay Ke Peechay Gird Main
Chupa Hoon Ek Zarrah Ban Ke

Main Tanha Hoon
Us Patjhar Main Bejaan Patton Ke Sang
Para Hoon Ek Patta Ban Ke

Main Tanha Hoon
Us Bheer Main, Un Ajnabi Chehron Main
Khara Hoon Ek Mujasma Ban Ke

Mujhe Awaz Dou
Ke Ye Seher Tootay
Phir Bahaar Aye
Koi Dar Kholay

Mera Daa'wa Karay
Koi Tou Aashna Ho
Meri Talab Ho Jis Ko
Jo Meri Takmeel Karay