Ruk Jao

Ab Kay Aaye Ho, Abhi Tehro Tou Kuch Dair
Kay Is Jhanjhat E Ayam Se Fursat Pakay

Pur Shouq Nigahoon Ko Apni
Teray Husn Ka Shokh Nazara De Dayn

Yaas E Narasai Main Dobay Dil Ko
Teray Meh-Khana E Qurbat Ka Sahara De Dayn

Kisi Tifl Se Machaltay Jazboon Ko
Teray Dildar Tabassum Ka Tamasha De Dain

Wagarna Awargi Hi Manzil Hai Meri
Banjao Humsafar, Safinay Ko Kanara De Dain

Meray Sha'iroon Ko Sanad-E-Fan Mil Jaye
Teray Aabro' Jo Sataish Ka Ishara De Dain

Meray Aangan Ki Kiari Main Ek Phol Bou Dou
Badlay Main Hum Tmko Sara Zamana De Dayn

Tum Kia Jano, Tm Se Hai Sansoon Main Rawani
Ruk Jao ! Khud Ko Jeenay Ka Bahana De Dayn