Safr e Zaat

Kuch Fasla Bhi Nahin Yahan
Meri Zaat Se Teri Zaat Tak

Mafhoom Hai Ik Sa Hi Ab
Meri Baat Se Teri Baat Tak

Hijr Mein Bahein Ashq Yun
Wasl Ki Us Raaat Tak

Tera Naam Hai Jo Labon Pe Hai
Fani Se Us Sabaat Tak

Tu Ne Sanwara Hai Mujhey
Kufr Se Hidayaat Tak

Rahun Ga Muntazir Sada Tera
Tujh Se Ik Mulaqaat Tak

Wo Milan Jo Ho Zara Sanam
Meri Mout Tak Hayaat Tak

Mera Safr Hai Bara Mukhtasir
Teri Zaat E Ba Sifaat Tak

Tera Saath Hi Mujhe Chahiye
Jahan Se Pul E Siraat Tak

Rahun Ga Tera Aur Sirf Tera
Is Ishq Ki Mamaat Tak

Aur Ishq To Marta Nahi
Har Amal Ki Muraat Tak

To Milan Bhi Ho Ga Kabhi Sanam
Jo Ruko Kabhi Ishq Ki Salaat Tak