Sar Zameen-E-Dil Pe Tere Najaiz Tajawizat Hain

Sar Zameen-E-Dil Pe Tere Najaiz Tajawizat Hain
Munsif Bhi Tere Shehar Ka Hai, Shahdatain Bhi Mere Khilaf Hain

Khalwat-E-Jan Pe Teri Be Asool Ijara Dari Hai
Kuch Aur Bhi Nikat Hain Jo Is Daaway K Mohrikat Hain

Khuab Ki Jageer Mein Tera Nawab Ban K Dandanana Hai
Teri Khushbu K Qaid Khane Mein, Mere Sab Khyalat Hain

Aik Hansti Hoi Basti Thi Jise Tu Ne Taraaj Kia
Umidon K Lahu Pe Tere Peron K Nishanat Hain

Mere Angan Ki Dhop Chaon Pe Tera Wajud Estada Hai
Mein Gharib-E-Ishq Hun Mere Jaiz Mutalbat Hain