Suno Aey Chaand Si Larki

Suno Aey Chaand Si Larki
Abhi Tum Kah Rahi Thi'n Na

Tumhain Mujhsy Muhabbat Ho Nahe Sakti
Chalo Maana Ke Ye Sach Hay

Magar Aey Chaand Si Larki
Mujhy Itna Bata Do Tum

Mousam Badalty Hain
Gulo'n Main Rang Bharty Hain

To Kya Muztarab ho Kar
Akely Pan Se Ghabra Kar

Hawa Ko Raaz Deti Ho
Mujhy Awaz Deti Ho

Suno Aey Chaand Si Larki

Tumhary Saamnay Koi Jab Mera Naam Leta Hay
Tu Phir Kyuon Chonk Jati Ho

Chalo Maana Tumhain Mujhse Muhabbat Ho Nahi Sakti
Magar Itna Samajh Lo Tum, Jahan Chahat Nahi Hoti

Wahan Nafrat Ke Hony Ka Koi Imkaan Nahi Hota
Mera Daawa Hay Chahat Main Jahan Nafrat Nahi Hoti

Wahan Aksar Ye Dekha Hay, Ager kuch Waqt Kut Jaye
Samey Ki Dhool Chat Jaye, Tu Wehshat Bhaag jati Hay

Muhabbat Jaag Jati Hay.... Muhabbat Jaag Jati Hay