Tafheem E Zindagi Ki Saza Pa

Tafheem E Zindagi Ki Saza Pa Raha Hun Main
Yun Rafta Rafta Suey Marag Ja Raha Hun Main

Takmeel E Zindagi Ki Tamanna Liye Huye
Ik Marg E Musalsal Ka Maza Pa Raha Hun Main

Jin Ko Sajaya Khoon E Jigar Se Qadam Qadam
Unhi Raston Pe Aj Luta Ja Raha Hun Main

Un Ki Jafa Ka Haal Jo Honton Pe A Gaya
Sangsaar Sare Aam Kia Ja Raha Hun Main

Khushiyan Hi Gham Nawaz Hain Gham Afreen Bhi
Deewana In Ka Phir Bhi Hua Ja Raha Hun Main

Shayad Tujhe Bhi Hamsafar Ki Talash Ho Anjum
Isi Aas Pe Tere Saath Chala Ja Raha Hun Main