Tanhai

Her Sham Adhoora Pun Lay Kr
Main Loat K Basti Jati Hun
Kuch Phool Wafa Ke Chunti Hun
Un Pholon Se Daman Bher Ke
Basti Se Darya Ki Janib
Main Nangay Pair Aqeedat Se
Teri Yad Ke Mander Jati Hun
Be-Dard Se Mazi Ke Lamhay
Wahan Reengtay  Phirtay Dortay Hain
Main Apni Wafa Ke Saray Gull
Us Chokhat Pe Rakh Deti Hun
Phir Sari Rat Un Phoolon Ko
Ashkon Se Sencha Krti Hun
Phir Loat Ke Yaad K Mander Se
Main Apnay Gher Main Ati Hun
Or Tanha Khali Kamray Main
Main Ghanton Roya Krti Hun