Tanhai

Beshumar Logon Mein
Behisab Kamon Mein
Masrofiyat K Sabhi Bahanon Mein.
Dil Tere Khyal Ki Khirkhi Khol Rakhta Hai
Jese K Tifl-E-Massom Koi
Pariyon Ki Kahani Se Behal Jae
Waqt Aur Dinon Ka Hisab Krta Hai
K Tum Ko Bichre Kitni Der Guzar Gae Hain
Phir Mujh Se Mangta Hai Jawaz Tere Rooth Jane Ka
Kehta Hai Waqt Bataon Isko Tumhare Lout Ane Ka
Mein Kia Bataon Isko K Sa'atain Sab Likhi Hoi Hain
Koi Aur Hai Jo Inko Likh Raha Hai
Milne Bicharme K Sab Feisle Wohi Sadir Kar Raha Hai
Mujha Kia Pata K Kiyon Mila Wo
Mila Hi Tha Tou Kiyon Gaya Wo
Dil Bazid Hokar Phir Ankhon Mein Aa Utarta Hai
Har Chez Mein Wo Phir Tum Ko Hi Dhondta Hai
Suno
Mujha Rehne Do Mein Tou Bht Masroof Hun Zamane Ki Bheer Mein
Tum Ab Yad Nhi Nhi Aate Itne Kamon K Hajoom Mein
Agar Hosake Tou Dil Ko Samjha Jana