Tere Aanay Ka Guman Ho Jaisay

Zindgi Sail E Rawan Ho Jaisay
Meri Wahshat Ka Byan Ho Jaisay

Her Ghari Aik Nai Hasrat Hai
Tere Aanay Ka Guman Ho Jaisay

Phailti Ja Rhi Rhi Be Manzil
Aarzoo Meri Dhuwan Ho Jaisay

Yaad Aati Hai Iss Tarah Teri
Aankh Se Ashk Rawan Ho Jaisay

Dekh Ker Yoon Laga Hai Sahra Ko
Mera Apna Hi Makan Ho Jaisay

Aap Aay Jahaan Jhoom Uttha
Aap Hi Kaar E Jahan Ho Jaisay

Rooh Main Yoon Sama Gai Ho Tum
Dard Seenay Main Nihan Ho Jaisay