Tere Khyaal Ko Ham Itni Door Tak Le JaayeN

Tere Khyaal Ko Ham Itni Door Tak Le Jaayen
Keh Aaine Se Tera Aks Noor Tak Le Jaayen

Ye Aarzuain Tau Hain Laa-Sh'aoor Ka Hissa
Har Aik Khwaab Ko Kaise Sh'aoor Tak Le Jaayen

Rah-E-Bqaa Main Fnaa Kar Chukay Hain Hasti Ko
Agar Kaho ! Tau Tumhaara Ghuroor Tak Le Jaayen

Khumaar Wasl Kay Lamhon Ka Kar Chukay Taari
Ab Intizaar Ki Lazzat Suroor Tak Le Le Jaayen

Ye Wasl-E-Umr-E-Rawaan Wasl-E-Jaawidaan Ho Jaaye
Zameen Kay Saath Ko Jannat Ki Hoor Tak Le Jaayen

Khula Na Khwaab Jo Ab Tak Shab-E-Tamanna Par
Agar Kaho Usay Sub'h-E-Zahoor Tak Le Jaayen !

Chali Hay Baad-E-Sahar Khol Khol Baanhon Ko
So , Boo-E-WARD Ko Ham Bhi Wafoor Tak Le Jaayen