To Chaloon

Aakhri Baar Mohabbat Ko Dekh Loon To Chaloon
Main Apne Jaan-E-Dilbar Ko Dekh Loon To Chaloon

Mere Dushman Shayad Meri Firaaq Mai Hain
Main Raah Mai Kisi Patthar Ko Dekh Loon To Chaloon

Haathon Ki Lakeeron Mai To Nhi Naam Tumhaara
Bas Ab Apne Muqaddar Ko Dekh Loon To Chaloon

Meri Judaai Se Hai Kon Kon Ranjidaa
Kisi Ki Aankh Mai Samandar Ko Dekh Loon To Chaloon

Bohat Hi Yaad Aayega Mujhe Ye Jaane K Baad
Zara Main Thik Se Apne Ghar Ko Dekh Loon To Chaloon

Mujhe Manzil Ki Zara Bhi Talab Nhi "Shamsul"
Bas Iss Martaba Main Safar Ko Dekh Loon To Chaloon.