Tu Mil Bhi Jaata Toa

Dayaar-E-Ghair Say Kaise Tujhe Sada Dete
Tu Mil Bhi Jaata Toa Aakhir Tujhe Ganva Dete

Tum Hi Ne Hum Ko Sunaya Na Apna Dukh Var'na
Duaa Vo Karte K Hum Aasmaan Hila Dete

Hamain Ye Zom Raha Ab K Vo Pukaarenge
Unhain Ye Zid Thi K Har Baar Hum Sada Dete

Vo Tera Gham Tha K Taaseer Mere Lehje Ki
K Jis Ko Haal Sunaate Usay Rula Dete

Tumhe Bhulaana He Avval To Dastaras Main Nahi
Jo Ikhtiyaar Bhi Hota Toa Kya Bhula Dete

Tumhaari Yaad Ne Koi Javaab He Na Diya
Mere Khayaal K Aansuu Rahe Sadaa Dete

Samaa'ton Ko Main Taa-Umr Kosta Syed
Vo Kuch Na Kehte Magar Hont To Hila Dete