Tujhay Woh Yaad Aaingay

Tujhay Woh Yaad Aaingay, Magar Aay Dil Ikhtiar Main Rehna
Jazbat-E-Ishq Ubhar Aaingay, Magar Aay Dil Ikhtiar Main Rehna

Ziafat Ki Hay Un Ko Mainay Khuwab-E-Shab Ki Aaj
Woh Aa K Muskuraaingay, Magar Aay Dil Ikhtiar Main Rehna

Woh Haseen Din Aur Woh Raatain, Un K Qisay Un Ki Baatain
Kabhi Tuj Ko Sunaingay, Magar Aay Dil Ikhtiar Main Rehna

Musafat-E-Ishq Main Mili Hay Hamain Woh Lutf Andozi
K Chaltay Hi Jaaingay, Magar Aay Dil Ikhtiar Main Rehna

Khayal-E-Hijr Taari Hay Falk-E-Chashm Main Meray
Ashk Jhilmilaaingay, Magar Aay Dil Ikhtiar Main Rehna

Kal Shab Khuwab Main Aay Aur Wada Kar Gay Jaganay Ka
Woh Khud Hi Jagaingay, Magar Aay Dil Ikhtiar Main Rehna