Tumhain Mujhsay Muhabbat Hai

Zarori Kuch Nahi Kehna
Main Sub Kuch Jan Jati Hon
To Batain Kehna Chaho Tum
Tumharay Kehnay Say Pehlay
Unhain Main Man Jati Hon
Magar Ek Bat Hai Aisi
Jo Tum Pay Farz Hai Kehni
Jisay Main Bhi Samajhti Hon
Jisay Tum Bhi Samajhtay Ho
Wohi Kehni Zarori Hai
Yeh Meray Hath Jin Main Tum
Khud Apna Naam Dhondtay Ho
Tumhi Say Door Ho Jain
Tumhain Gar Samnay Dekhain
To Phir Bhi Choo Nahi Pain
Bohut Majbor Ho Jain
Tumharay Naam Hai Yeh Rooh
Esi Rooh Kay Agar Tan Ka
Har Ek Gehna Karay Ghayal
Kisi Kay Naam Ka In Main
Bajay Kangna Ya Phir Payal
To Dil Ko Chot Pohchay Gi
To Phir Ek Fesla Karlo
Kay Mujhko Chor Do Ya Phir
Milan Ka Hosla Karlo
Na Meri Bat Ko Abkay
Hasi Main Tum Ura Dena
Main Gar Mil Jaon To Mujhko
Zara Ab Ye Bata Dena
Tumhain Mujhsay Muhabbat Hai
Tumhain Kitni Muhabbat Hai