Us Ko Buraa Lage

Guzre Dino Ki Yaad Barasati Ghataa Lage
Guzroon Jo Us Gali Se To Thandi Hawa Lage

Mehamaan Ban K Aaye Kisi Roz Agar Wo Shakhs
Us Roz Bin Sajaaye Mera Ghar Sajaa Lage

Mai Is Liye Manata Nahi Wasl Ki Khushi
Mere Raqeeb Ki Na Mujhe Bad-Duaa Lage

Wo Qehat Dosti Ka Para Hai K, In Dino
Jo Muskura K Baat Kare Aashnaa Lage

Tark-E-Wafa K Baad Ye Us Ki Adaa 'Qateel'
Mujh Ko Sataye Koi To Us Ko Buraa Lage