Uski Zulfon Ki Baat Mat Kerna

Meray Naghmon Ki Baat Mat Kerna

Chand Benaam Hasrton Ka Dhuwaan
Chand Be Simt Khwahishon Ka Byaan

Aisay Lafzon Ka Zikr Kya Maani
Aisay Qisson Ka Zikr Kya Maani

Aisi Sochn Ki Baat Mat Kerna
Aisay Khwabon Ki Baat Mat Kerna

Kho Chukay Dhund Main Jo Nazzaaray
Unn Nazzaron Ki Baat Mat Kerna
Jin Kinaaron Pe Uss Ka Naqsh Nhin
Unn Kinaaron Ki Baat Mat Kerna

Jin Hawaaon Ko Raasta Na Milay
Jin Fizaaon Ko Aasmaan Na Milay
Wo Jo Khiltay Hain Raig E Sehra Pe
Aisay Phoolon Ko Baghbaan Na Milay

Aisay Phoolon Ki Baat Mat Kerna

Zikr Khwah Chher Lo Qyaamat Ka
Uski Zulfon Ki Baat Mat Kerna
Wo Jo Ab Muntazar Nhin Meri
Aisi Palkon Ki Baat Mat Kerna
Aisi Baanhon Ki Baat Mat Kerna