Waabasta Tairi Soch Hai Aise Junoon Kay Sath

Waabasta Tairi Soch Hai Aise Junoon Kay Sath
Jaise Ragon Main Dore Tera Dard Khoon Kay Sath

Aise Tera Khyaal ..........Libaada Huwaa Mera
Lipti Ho Bail Jaise Yaqeen Kay Sutoon Kay Sath

Aurhay Huway Hoon Taire Tasawur Ki Shaal Yoon
Jaise Magan Faqeer Ho Jazb-E-Daroon Kay Sath

Dil Mutma'in Hai Tairi Rifaaqat Ki Dain Se
Warna Kise Qraar Ho Haal-E-Zuboon Kay Sath

Jaan Se Bhi Hai Aziz Mujhe Rabt-E-Baahami
Rakhna Hai Raabita Mujhe Zabt-E-Fuzoon Kay Sath

Mairi Ghzal Main Sehr Ki Lazzat Kabhi Na Thi
Jaan-E-Ghazal Ne Harf Diye Hain Fusoon Kay Sath

Ehsaas Maire Dil Ko Tera Jagamgaaye Yoon
Shabnam Ho Roo-E-WARD Pe Jaise Sukoon Kay Sath