Yahan Ke Zarre Zarre Pe Sada

Yahan Ke Zarre Zarre Pe Sada Ehsan Mera Hai
Har Ek Shai Meri Apni HaiHar Ek Insaan Mera Hai

Ahaya Khoon Mazloomo Ka Paani Ki Tarah Jisne
Wahi Ab Fakhr Se Kahta Hai Hindustaan Mera Hai

Watan Ka Jo Nahi Wo Shakhs Muslim Ho Nahi Sakta
Ye Farmane Nabi Hai Aur Yahi Imaan Mera Hai

Hamare Mulk Me Phir Se Khilen Ghunchen Muhabbat Ke
Yahi Meri Dua Hai Aur Yahi Armaan Mera Hai

Are Main Wo Hun Jo Qadmon Se Thukrata Hun Duniya Ko
Yeh Ek Chhoti Chataee Aur Ye Qur'aan Mera Hai

Agar Ladne Se Hi Yaaro Masaayal Khatm Ho Jaayen
To Aao Qatl Karna Bhi Bahut Aasaan Mera Hai