Yeh Furqat K Lamhay

Yeh Furqat K Lamhay Aur Yeh Raatain Hijr Ki
Dil Ko Udhaas Rakhtin Hain Yeh Baatain Hijr Ki

Dhoob Jaatain Hain Sabhi Khuwab Sunehray
Jab Jab Barastin Hain Barsatain Hijr Ki

Bhala Kaisay Guzarti Hay Hijr E Yaar Main Yeh Umr
Hum Say To Nahi Kat Ti Sa'atain Hijr Ki

Chalo Qasid Say Miltay Hain Koi Inaam Laya Ho
Magar Qasid Bhi Laya To Sogaatain Hijr Ki

Humain Acha Nahi Lagta Tera Mil Kar Chalay Jana
Bohat Hi Yaad Rehtin Hain Mulaaqatain Hijr Ki

Chalo Pehray Lagatay Hain Wisal E Yaar K Har Soon
Suna Hay Shehar Main Hongi Wardaatain Hijr Ki