Yeh Waqt Bhi Guzre Ga Kiun Ghabrae Hoe Ho

Koi Gham Hai Tum Ko Ya Chot Khae Hoe Ho
Hamari Tarha Se Tum Bhi Satae Hoe Ho

Ye Lehje Ki Talkhi, Ye Badal Jana Bat Ka
Shah Sawar-E-Mohabbat Se Tum Bhi Mat Khae Hoe Ho

Abhi Tou Umid Baqi Hai, Ujalay Ko Sehar Baqi Hai
Abhi Se Tum Dar Gae Abhi Se Kumlae Hoe Ho

Yeh Rangon Ki Dunia Yeh Dilkash Nazaray
Meri Trha Sab Se Kia Tum Bhi Uktae Hoe Ho

Jo Khuab Ko Choone Se Laraz Utthi Hain Palken Tumhari
Koun Hai Wo Khush Nasib Jise Nendon Mein Jagae Hoe Ho

Talkhi-E-Doran Tumhari Udasi Se Kia Kam Hogi?
Yeh Waqt Bhi Guzre Ga Kuin Ghabrae Hoe Ho