Zarra Zarra

Zarra Zarra Khud Ko Phir Iss Tarha Uthaaun Main
Iss Qadar Mujhko Karo Pyar Ke Toot Jaaun Main

Mere Honton Pe Hont Rakh Ke Tum Ghazal Likh Do
Aur Phirr Uss Ghazal Ko Subha Tak Gun-Gunaaun Main

Tum Karo Ishq Mai Koi Baat Parda-Daari Ki
Jhuka Ke Sar Ko Phirr Thoda Sa Sharmaaun Main

Ghazab Ki Raat Ho Wo Raat Suhaag Ki Apni
Tum Utaaro Mere Jewar Aur Muskuraaun Main

Faza Mai Jhoomti Khushboo Ka Rang Hawa Pe Utre
Phool Sab Jaayein Kuchal Aur Ghabraaun Main

Ho Iss Tarha Se Ek Ke Na Duniya Do Kahe Humko
Tum Bharo Apni Bahon Mai Aur Lipat Jaaun Main

Raat Ke Jism Ki Saaf Bayan Dastaan Kare Bistar
"Shams" Mujhe Pyar Se Dekho Aur Simat Jaaoun Main