آ تجھے حال دل سنا نہ دوں ؟؟

عشق کا معجزہ دکھا نہ دوں ؟
آ تجھے حال دل سنا نہ دوں ؟

تیری ان بھیگی بھیگی پلکوں پہ
آس کے دیپ کچھ جلا نہ دوں ؟

کیا ہے میرے جنوں کا اوج کمال
آئینہ آپکو دکھا نہ دوں ؟

بانجھ سی ہو رہی ہے ارض چمن
پیار کے اشک دو گرا نہ دوں ؟

بند مٹھی میں ہیں جو خواب میرے
اب انہیں وقت میں دبا نہ دوں ؟

آپ ہی ہو میرے وجود کا نام
تو اپنے آپ کو دعا نہ دوں؟

بہت تاریکیاں ہیں راہوں میں
ہاتھ میں یاد کا دیا نہ دوں ؟

بڑی ویران ہے فضائے گلشن
کونپلیں پھر نئی کھلا نہ دوں ؟

خود سوئے دار چل پڑے دنیا
ایسی اک خوشنما سزا نہ دوں؟

گھروندہ کھیل ہی کا حصہ تھا
ریت سے نقش بھی مٹا نہ دوں ؟

ہیں میری دسترس میں چاند تارے
تیرے دامن پہ بھی سجا نہ دوں ؟

تم ابھی اک ادھورا مصرعہ ہو
سوچ لو ۔ غزل ہی بنا نہ دوں؟