آ مل مجھے

آ مل مجھے
کہ ہوں میں ادھورا
میرا من بھی ادھورا
اے میری زات کے حصے
میری پسلی کے ٹوٹے
آ مل مجھے...
آ مل مجھے کہ تکمیل ہو
میری آدھی ادھو ری زات کی
کہ مکمل ہوں خواب بھی
کہ چہرا ملے میرے خیالوں کو

آ.... مل مجھے
کہ خوا ہشوں کو تاب ملے... تمنا جگے
آ مل مجھے کہ سراغ ملے
میری روح تک رسائ کا
میری زرہ زرہ پسپائ کا
آ مل مجھے کہ میرا شعور بنے
خدوخال تیرے جسم کے
کہ پوجا کرے لاشعور میرا
تیرے انگ انگ سے جڑے احساس کی

آمل مجھےکہ تکمیل ہو
کہ بکھریں بے رنگ لمحوں میں سات رتیں
اور رنگ سے خوگر ہوں اندھیر آ نکھیں
آمل مجھے
آ مل مجھے کہ تجدید ملاقات بھی ہو
تیرے وجود کا احساس بھی ہو
تیرے لمس میں دہکے وجود میرا
نہ قید مہ و سال کی ہو
آ مل مجھے کہ تکمیل ہو
میری آدھی ادھوری زات کی
آ..... مل مجھے